დამატებითი ტესტები

1 ქულა

1. მოკლედ ჩამოაყალიბეთ სამეცნიერო ლიტერატურაში არსებული ძირითადი მოსაზრებები ქართული სალიტერატურო ენის განვითარების პერიოდების შესახებ.

Feedback

სალიტერატურო ენის განვითარების პერიოდების შესახებ სამეცნიერო ლიტერატურაში არსებობს სამი ძირითადი მოსაზრება. მთელ ამ პერიოდს ა. შანიძე ყოფს სამ მონაკვეთად (ძველი– V-XI, საშუალი ---XII–XVIII, ახალი--- XIX–დან დღემდე. ზ. სარჯველაძე ეთანხმება და თავის მხრივ ძველში გამოყოფს ორ ქვეპერიოდს V–VIII და IX–XI) ა. ჩიქობავა ორ მონაკვეთს გამოყოფს (V–XII; XII-დან– დღემდე)

2 ქულა

2. მოსწავლემ გითხრათ: "შეცდომით ავღნიშნე ორი წინადადება". აუხსენით მას, რა შეცდომა დაუშვა და რა უნდა იცოდეს, რომ მომავალში აღარ დაუშვას ანალოგიური შეცდომა.

2 ქულა

3. მოსწავლემ დაწერა წინადადება: გაკვეთილზევე მოვახდინეთ ამ ტექსტის ანალიზი.

• აუხსენით მას, რა სტილისტური ხარვეზი აქვს ამ წინადადებას.

• განუმარტეთ, რა უნდა გაითვალისწინოს მოსწავლემ, რომ თავიდან აიცილოს ანალოგიური ხარვეზი.

Feedback

• ,,მოვახდინეთ ანალიზი’’ კალკია (სხვა ენის კონსტრუქციის სიტყვასიტყვითი თარგმანია, რომელიც ქართულისათვის არაბუნებრივ შესიტყვებას იძლევა / არაბუნებრივია)

• იმისათვის, რომ მოსწავლემ თავიდან აიცილოს ანალოგიური ხარვეზი, ამ ტიპის შედგენილი შემასმენლის ნაცვლად უნდა გამოიყენოს მარტივი შემასმენელი _ ზმნის პირიანი ფორმა (მაგ., გავაანალიზეთ)

1 ქულა

4. მოსწავლემ დაწერა "საქართველოსა და ევროპის ქვეყნებს შორის მისვლამოსვლა გახშირდა". აუხსენით, რა შეცდომა დაუშვა.

2 ქულა

5. მოსწავლემ დაწერა: იმათმა ყველაფერი გააკეთეს, რომ საუკეთესო შედეგისთვის მიეღწიათ.

● მიუთითეთ მას, რა შეცდომა დაუშვა.

● განუმარტეთ მოსწავლეს, რა უნდა იცოდეს, რომ არ დაუშვას ანალოგიური შეცდომა.

Feedback

● "მათ" პირის ნაცვალსახელს დაურთო ბრუნვის ნიშანი (დასაშვებია: მათ _ პირის ნაცვალსახელის ნაცვლად გამოიყენა კუთვნილებითი _ იმათმა)

● მათ III პირის ნაცვალსახელის მრავლობითი რიცხვის მოთხრობითი ბრუნვის ფორმაა და -მა ბრუნვის ნიშანი ზედმეტია (უნდა იცოდეს პირის ნაცვალსახელთა ბრუნება, ნაცვალსახელთა ფუნქციები)